د ۲۰۱۶ کال د می په دولسمه په لندن کې حکومتونه، سوداګریز بنسټونه، مدني ټولنې، د قانون پلي کوونکي، ورزشي ټولنې او نړیوال نهادونه د فساد سره د مبارزې په یوه ناسته کې په یو ټغر راټول شول او ټولو هوکړه وکړه چې د فساد د مخنیوي لپاره به عملي ګامونه پورته کوي او دې موضوع ته به ریښتینی نړیوال لومړیتوب ورکوي.
ددې ناستې په بهیر کې، افغان حکومت ژمنه وکړه چې د فساد د مخنیوي لپاره به عملي ګامونه پورته کړي. افغان دولت په ټوله کې د فساد پر ضد ۳۱ ژمنې وکړې چې په دریو مختلفو کټګوریو وېشل کیږي: ۱- د فساد افشاء، ۲ – مفسدینو ته سزا او د هغو خلکو ملاتړ چې د فساد ښکار شوي وي، ۳ – له هرځای څخه د فساد د فرهنګ ختمول.
موږ به د ژمنو پلي کول تعقیب کړو، او دا به مالومه کړو چې ژمنې سرته رسېدلي او که نه. ددې وېبپاڼې په مرسته او د خلکو په ملاتړ به موږ پر دولت باندې د هغه مسائلو اړوند فشار راوړو، چې ژمنې یې لا تر اوسه سر ته رسولي نه دي.
د ژمنو وضعیت
- %44 غیر فعال
- %36 پاتې دي
- %12 روانه ده
- %8 بشپړ شوی
